Bağdadda Müqəddəs Abbasi Astanının Quran yarışları sona çatıb
Bağdadda Müqəddəs Abbasi Astanının təşkil etdiyi Qurani-Kərimin hifzi, qiraəti və təfsiri üzrə Quran müsabiqəsinin dördüncü mərhələsi qaliblərin təqdimatı ilə başa çatıb.
"İQNA", "Əl-Kəfil"-ə istinadən xəbər verir ki, Bağdadda Abbasi Astanının təşkil etdiyi Qurani-Kərimin hifzi, qiraəti və təfsiri yarışlarının dördüncü mərhələsi başa çatıb. İraqın paytaxtı Bağdad bölgəsini səkkiz komanda təmsil edib.
Bu yarışlar müqəddəs Ramazan ayının ilk günündə bir qrup mömin və Quran təlimlərini təqdim etmək istəyənlərin iştirakı ilə başlayıb.
Müqəddəs Abbasi Astanının Qurani-Kərim Elmi Şurasının nəzdində fəaliyyət göstərən Qurani-Kərim Mərkəzi və onun vilayətlərdəki şöbələri ölkənin hər yerində Quran və Əhli-beyt və dini maarif sahəsində bir çox Ramazan fəaliyyətini həyata keçirib. Bu müsabiqə də onlardan biridir.
