د هغو کسانو چلند چې د قیامت پر ورځ ایمان نه لري

ایکنا - (تهران) انسانان د خوشالۍ د ترلاسه کولو لپاره هر څه ترسره کوي، ځکه په دې باور دي چې باید په دې دنیا کې تر ټولو ښه ژوند ولري، خو ځینې خلک په دې باور دي چې خوښي یوازې د دې دنیا لپاره نه ده او باید د آخرت د خوشحالۍ لپاره هم هلې ځلې وکړي.

د قرآن کریم ۱۰۷م سورت «ماعون» نومیږي. دا سورت په اوو آیتونو سره په دېرشمه سپاره کې دی. "ماعون" چې مکي سورت دی، د نازلېدو په ترتیب کې 17م سورت دی چې د اسلام پر پیغمبر نازل شوی.

"ماعون" د مال، شتمنیو، ضروري وسايلو يا "زکات" په معنی تعريف کړی دى. دا کلمه د دې سورت په وروستي آيت کې راغلې او له همدې امله د دې سورت نوم "ماعون" کېښودل شوی.

دا سورت د هغو کسانو لپاره ګواښ دی چې ځانونه یې مسلمانان معرفي کړي، خو منافقانه او دوی مخی چلند لري؛ لکه لمونځ نه کول، په کارونو کې نفاق، د زکات نه ورکول، چې د قيامت په ورځ د ايمان لرلو سره هېڅ هم برابر نه دی.

په دې سورت کې د قيامت د ورځې د منکرانو صفتونه او سلوکونه په پنځو پړاوونو کې بيان شوي دي. د خدای په لاره کې له صدقې ورکولو او د یتیمانو او کمزورو له مرستې څخه ډډه کوي او لمونځ ته توجه نه کوي او په خپلو کارونو کې منافق دي او له مسکینانو سره مرسته نه کوي.

دا سورت د «أَ رَءَیْتَ الَّذِى یُکَذِّبُ بِالدِّینِ: " آیا تاسو هغه څوک لیدلی چې تل د قیامت د ورځې څخه انکار کوي؟" آیت سره چي د اسلام پیغمبر (ص) ته خطاب شوی دی، پیل شوی دی.

په دې آيت کې د (دين) د کلمې د مفهوم په اړه اختلاف دى؛ ځينې يې د قيامت ورځ ګڼي او ځينې يې د اعمالو ثواب او جزا ګڼي. له همدې امله، د هغو کسانو پر کارونو نیوکه شوې چې د قیامت یا الهي جزا او عذابونه نه مني او ناسم کارونه کوي.

په دې سورت کې د هغو کسانو د غلطو اعمالو یادونه هم شوې، چې د قیامت د ورځې څخه انکار کوي. داسې ښکاري چې هغه کسان چې د قيامت په ورځ ايمان نه لري، ښه اخلاق او چلند هم نه لري، ځکه چې دوی په دې دنيا کې ژوند ويني او په بله دنيا کې د خوښۍ د ترلاسه کولو لپاره هڅې ته اړتيا نه ویني، نو هغه کارونه ترسره کوي چې د اخلاقي او دیني اړخه سم نه دي.

کلیدي کلمې: د قرآنکریم سورتونه، قرآن کریم، 114، سورتونه، سورت ماعون، یتیمانو ته پاملرنه، د لمانځه د غفلت پایلې