Həzrət Nuhun (ə) dəvətinin üç əsası
Həzrət Nuh (ə) Allahın xüsusi peyğəmbərlərindəndir. Bu surənin bu ilahi peyğəmbərin adı ilə adlandırılmasının səbəbi onun hekayəsinin orada nəql olmasıdır. Bu surədə haqq və batil tərəfdarlarının davamlı mübarizəsi və haqq tərəfdarlarının öz yollarında həyata keçirməli olduqları planlar vəsf edilmişdir.
Nuh peyğəmbərin (ə) əhvalatı və qövmünün tarixindən Quranın müxtəlif surələrində bəhs edilir; Amma Nuh (ə) surəsində qeyd olunanlar onun həyatının başqa heç bir yerdə qeyd olunmayan xüsusi bir hissəsidir. Bu surədə Nuh peyğəmbərin (ə) davamlı olaraq tövhidə dəvətindən, bu dəvətin necəliyindən və o həzrətin iman gətirmək istəməyən inadkar qövmü ilə rəftarından bəhs edilir.
Bu surədə Nuh peyğəmbərin (ə) və qövmünün əhvalatı yer üzündə ilahi təcrübələrindən bir təcrübə kimi, müxaliflərin mövqeləri və haqq ilə batil arasında qarşıdurma təsvir edilmişdir. Bu münasibətlə bunun üçün "Nuh" adını seçdilər.
"Nuh" surəsinin 3-cü ayəsi olan "Allaha ibadət edin, Ondan qorxun və mənə itaət edin" ayəsinin həzrət Nuhun (ə) dəvətinin üç əsasını əhatə etdiyini bildiriblər. Bu ayənin birinci hissəsini Nuh qövmünün Allaha qarşı tanışlığını göstərmək kimi hesab edir; Lakin onlar Allaha ibadət etmək əvəzinə bütlərə sitayiş edirdilər; Bu səbəbdən birinci prinsip Nuhun ibadətdə tövhid çağırışını təqdim edir. İkinci prinsip, günahlardan çəkinmək, əvəzində yaxşı və xoş iş görmək mənasını verən “təqvalı olun” ifadəsindən alınmışdır. Üçüncü əsas “mənə itaət edin”dir ki, Nuha itaət etmək, onun peyğəmbərliyini təsdiq etmək və ondan dini təlimlər almaq sayılır.
Bu surədə Nuh peyğəmbərin (ə) nəsihət və tövsiyələri, ilahi təqva, Allaha və Peyğəmbərinə itaətə vurğusu, Allahın nemət və tövhid nişanələrinin sadalanması, dini, fiqhi, əxlaqi və ictimai əsasların bəyanı, həmçinin Nuh peyğəmbərin ibrətamiz duaları və dua etmək metodu yer alır.
