"İQNA", Səudiyyə Ərəbistanının "Əl-Vətən" qəzetinin saytına istinadən xəbər verir ki, Şəvval ayının birinci günü və Fitr bayramının gəlişi münasibəti ilə Səudiyyə Ərəbistanının hər yerində müsəlmanlar bu səhər Məscidül-Həram, Məscidül-Nəbi (s) və ölkədəki məscidlərə gedərək bayram namazı qılıblar.
Fitr bayramı namazı Məscidül-Həramın xətiblərindən Saleh ibn Abdullah Həmidin imamlığı ilə xüsusi mənəvi və dini atmosferdə qılınıb.
Saleh ibn Abdullah əl-Həmid Fitr bayramı xütbələrində müsəlmanları ilahi təqvanı riayət etməyə dəvət etmişdir.
Həmçinin Mədinətul-Münəvvərədə Məscidül-Nəbinin (s) xətibi Əbdul-Bari Əs-Səbitinin imamlığı ilə Fitr bayramı namazı qılınıb.
Bayram namazında Mədinə vilayətinin valisi Feysəl ibn Salman ibn Əbdül-Əziz və çoxlu sayda Peyğəmbər (s) məscidinin ibadət edənləri və zəvvarları iştirak ediblər.
Əbdül-Bari Əs-Səbiti Məscidün-Nəbidə (s) Fitr bayramı xütbələrində bu mübarək ayda müsəlmanlara oruc tutmağı və ibadət etməyi nəsib etdiyi üçün Uca Allaha şükür edib.
4135741