Danimarka İsrailə qarşı məhdudiyyətləri artıracaq
"TRT Xəbər"-in məlumatına görə, Danimarkanın xarici işlər naziri Lars Lokke Rasmussen məsələ ilə bağlı yerli mətbuata açıqlama verib.
Rasmussen, "İsrail və HƏMAS arasında davam edən müharibənin Qəzzada dinc əhali üzərində dağıdıcı nəticələrinə uyğun olaraq, 25 mart 2024-cü il tarixindən etibarən Xarici İşlər Nazirliyi olaraq İsrailə hərbi ixracatla bağlı yanaşmamızı daha da sərtləşdirdik" dedi.
Rasmussen, İsrailə "ikili istifadə" olaraq bilinən və həm hərbi, həm də mülki məqsədlər üçün istifadə edilə bilən texnologiya və hərbi ixrac üçün müraciətlərin "bir-bir baxılacağını" ifadə etdi. O qeyd edib ki, Birləşmiş Millətlər Təşkilatının (BMT) Silah Ticarəti Müqaviləsi və Avropa İttifaqının silah ixracına dair qaydaları "çox məhdudlaşdırıcı yanaşma ilə" həyata keçiriləcək.
Məhdudlaşdırma qərarı beynəlxalq əfv təşkilatı, Danimarka Oxfam, ActionAid Danimarka və Fələstinin insan haqları təşkilatı Əl-Haq Danimarkanı İsrailin mümkün müharibə cinayətləri və silah ixracı ilə soyqırım cəhdini dəstəkləməkdə ittiham edərək ona qarşı iddia qaldırdıqdan sonra verilib.
