Mga Aral mula sa mga Debate na Panrelihiyon ni Imam Reza (AS)
Nagpapakita sila ng mabubuting mga halimbawa sa paghaharap sa mga nagtatanong. Si Ayatollah Nasser Makarem Shirazi sa isang aklat na may pamagat na "Imam Reza's (AS) na Makasaysayang mga Debate kasama sa mga Tagasunod ng Ibang mga Relihiyon at mga Paaralan" ay nagbigay-diin ng ilang mga punto tungkol sa mga debateng ito. Ang mga sumusunod ay mga sipi mula sa aklat:
Ang mga debate ni Imam Reza (AS) ay hindi isang isyu ng nakaraan ngunit ang mga ito ay isang ganap at mahalagang halimbawa para matutunan natin kung paano pangalagaan ang Islam.
Walang mass media sa panahong iyon ngunit ginamit ni Imam Reza (AS) ang mga debate sa hukuman ni Ma'amun bilang isang napaka-epektibong paraan upang maikalat ang mensahe ng katotohanan dahil ang balita ng mga debate ay kumalat sa buong mundo ng Islam. Sa ganitong paraan, hindi lamang natalo ni Imam (AS) ang mga balak na pakana noong panahong iyon kundi nailigtas din ang lipunang Islam mula sa pagkaligaw.
Maraming mga inspirasyon at mga aral ang mapupulot sa kung paano kumilos si Imam Reza (AS) sa mga debate sa mga tagasunod ng iba't ibang mga relihiyon at mga paaralan. Ang ilan sa mga ito ay ang mga sumusunod:
1- Dapat tratuhin ng mga Muslim ang mga tagasunod ng ibang mga pananampalataya nang may katwiran at karunungan. Hangga't hindi pa sila nagpapataw ng digmaan sa mga Muslim, lohika at katwiran ang dapat gamitin sa pakikitungo sa kanila.
2- Ang kapangyarihan ng lohika ng Islam ay katulad na wala itong takot na harapin ang lohika ng ibang mga pananampalataya at kaya naman sa kasaysayan ng Islam silang lahat ay nabigyan ng pagkakataong magsalita tungkol sa kanilang mga paniniwala at marinig ang mga sagot sa kanila.
3- Ang mga iskolar ng Muslim sa anumang panahon ay dapat magkaroon ng kamalayan sa lahat ng mga relihiyon at mga paaralan at makipag-usap sa kanilang mga tagasunod ayon sa kanilang sariling lohika upang patunayan ang higit na kahusayan ng Islam.
4- Sa mga iskolar ng Islam ay dapat mayroong ilan na dapat maging matatas sa mga wika sa daigdig upang makausap nila ang mga nagsasalita ng mga wikang iyon nang hindi nangangailangan ng mga tagapagsalin, sino dahil sa kawalan ng kasanayan sa pinupuntarya na wika o iba pang mga kadahilanan katulad ng personal na mga layunin, maaaring baluktutin ang ipinaparating.
5- Ang mga iskolar ng Muslim ay dapat na gamitin ang mass media upang itaguyod ang mensahe ng Islam at ang mga turo ng Banal na Qur’an sa buong mundo.
