په غزه کې د اسراییلو د نسل وژنې په اړه د ملګرو ملتونو د راپور هرکلی(مقاله)
ایکنانیوز د پارس ټو ډې له قوله راپور راکړ،د غزې په تړانګه کې د فلسطینیانو د نسل وژنې په اړه د فلسطین په چارو کې د ملګرو ملتونو د ځانګړي راپور ورکوونکي ارزونه د دې ادارې د غړیو هېوادونو د استازو له خوا هرکلۍ او ملاتړ شوې ده.
د فلسطین په چارو کې د ملګرو ملتونو ځانګړې رپورټرې فرانسیکا البانیې د اسراییلي پوځ له خوا په غزه کې د میشتو فلسطینیانو د نسل وژنې په اړه په خپل وروستي راپور کې ویلي، هغه جنایتونه چې اسرایلو د اکتوبر له اوومې راهیسې په غزه کې تر سره کړي دي، د جرمونو نړیواله محکمه د محاکمې اوسنۍ پروسې ته پام سره راتلونکي پنځوس کاله په ځان مشغولولای شی .
البانیز چې د نهې په ورځ یی په جنیوا کښې د ملګرو ملتو د بشری حقوقو شورا ته د غزې په هکله خپل راپور وړاندې کړ وویل صهیونیسټ رژیم په دغه تړانګه کښې نسل وژنه ترسره کوی . د بشري حقوقو په شورا کې د فلسطين د بشري حقوقو په اړه د ملګرو ملتونو د ځانګړي استازي د راپور له لوستلو وروسته د مصر، پاکستان، قطر، روسيې، ايران او چين په ګډون د لسګونو هېوادونو استازو د "البانيز" د راپور او کړنو ملاتړ وکړ. اروپایی اتحادیی هم د صهیونیسټي رژیم د ټولو تورونو په اړه د مناسب او خپلواکه تحقیقاتو غوښتنه وکړه او اعلان یې وکړ چې د غزې په تړانګه کښې د ملکي خلکو د زیاتې مرګ ژوبلې په لیدلو سره یی وحشت کړی دی. صهیونیسټ رژیم د ۲۰۲۳ میلادی کال د اکتوبر له ۷ نیټې راهسې د ځینو لویدیځو هیوادونو په ملاتړ سره د فلسطین د بې دفاع خلکو په خلاف د غزې په تړانګه او لویدیځه غاړه کښې پراخ قتل عام پیل کړی دی . دغه جنایتونه د دې سبب شول چې دغه رژیم د نسل وژنې په تور د عدالت نړیوالې محکمې ته وروغوښتل شی.د عدالت نړیوالې محکمې د ۲۰۲۳ میلادی کال د دسمبر په ۲۹ نیټه د جنوبی افریقا له خوا وړاندې شوې دوسیې ته په غبرګون کښې صهیونیسټ رژیم ته امر وکړ چې له دغه جنایت لاس واخلی. خو صهيونېسټ رژيم د امريکا په ملاتړ سره نه يوازې په غزې کښې د نسل وژنې د مخنيوي لپاره هيڅ اقدام نه دے کړے بلکه د رفح په سرحدي ښار چې د غونډې په ځايې بدله شوې ده په حملې سره د يو بل وحشيانه جنايت د ترسره کولو کوشش کوي ا و د غزې د جنګ ځپلو اوسیدونکو لپاره خپل نوم ثبت کړئ. دا په داسې حال کې ده چې د غزې شاوخوا ۹۰ فیصده بیخ بناوې په ځانګړې توګه د سیمې طبي مرکزونه په بشپړه توګه له منځه تللي او د غزې سلګونه زره خلک د قحطۍ په څنډه کې دي. صهيونيسټ رژيم هم په غزې تړانګې ټولې لارې تړلي دي او په سيمه بمباري کوي. همدا لامل دی چې د غزې د خلکو وژنې او په دې سیمه کې پراخې نسل وژنې هر با احساسه انسان متاثر کړی دی.
ورځ د فلسطین ولس او ډلو د خپلو وینو په بهولو سره ثابته کړه چې د نړۍ په تاریخ کې تر ټولو لوی جنګي جنایت او نسل وژنه د امریکا په ملاتړ په غزه کې ترسره شوه. د غزې وروستۍ پیښې د صهیونیسټي رژیم د ماشومانو د وژلو په ملاتړ کښې د امریکااو ځینو لویدیځو هیوادونو لپاره یوه بله ستر ه رسوائ وه چې د هغوي اصلی څیره یې د نړۍ ولسونو ته څرګنده کړه. په جنیوا کې د دغه سازمان د بشري حقوقو شورا ته د غزې په اړه د فلسطین په چارو کې د ملګرو ملتونو د ځانګړي راپورتر د وروستي راپور په ګډون، د ملګرو ملتونو په فرعي سازمانونو کې د فلسطین د مظلومو خلکو له حقونو څخه د هیوادونو غوڅ ملاتړ یو ځل ثابت شو. د غزې د خلکو مقاومت او دريځ يو ځل بيا د فلسطين مسئله يوه نړیواله مسئله ګرځولې ده، او د نړۍ خلک له صهيونېسټ جنايتکار رژيم او د هغې له اصلي ملاتړې سخته کرکه لري او احساس يې کوي چی. د فلسطین د خلکو او د غزې د خلکو د حقونو لپاره مسؤل دی، ځکه چې په غزه کې د فلسطینیانو وژنه د نسل وژنې او ماشوم وژنې تر ټولو ناوړه بڼه ده چې د بشر په تاریخ کې بدله شوې ده. په دې حالت کښې امریکا او انګلستان د صهیونیسټی نیواکګر رژیم د جنایتونو او پراخوالی د اصلی ملاتړو په توګه د دې پرځای چې صهیونیسټانو ته د وسلو په استولو سره د جنګ او د فلسطینیانو د وژلې د بندولو هڅه وکړی او د اوربند د ټینګولو پریکړه لیک ویټو کړی. په غزه کې د نسل وژنې په کلکه ملاتړ کوي .د صهیونیسټانو له جنایتونو د لویدیځ ملاتړ په دې حساس وخت کښې د فلسطین د مسئلې او د غزې د جنګ په هکله د لویدیځ د دوه مخیتوب او د بشری حقوقو په ډګر کښې د هغوی د منافقت ښودنه کوی او له ټولو فشارونو او کړاوونو سره سره به دغه پړاو بې له شکه تیر شي . ،خو د دې ښکاره نسل وژنې په اړه به د هیوادونو او نړیوالو سازمانونو د رول څرنګوالی او کیفیت په تاریخ کې ثبت شي.
