"Ramazan" sözünün mənası

İQNA – Ramazan ayının bütün müsəlmanlar üçün mənəvi əhəmiyyəti var. Orucun əsasını təşkil edən Ramazan ayı yemək-içmə şüurunu artırmaq, səbir və fədakarlığa təşviq etmək üçün ibadət ayıdır.

Ramazan ayı Qurani-Kərimdə adı keçən yeganə qəməri ayıdır. Ramazan, Şabandan sonra və Şəvvaldan əvvəl gələn qəməri təqviminin doqquzuncu ayının adıdır. Ramazan sözü Allahın gözəl adlarından biridir.

Ramazan sözü "rəməzə" sözündən götürülmüşdür ki, bu da günəşin şiddətindən daşların həddindən artıq qızması deməkdir. Bu kökdən götürülmüş Ramazan sözü isti yerdə ayaqyalın gəzməklə yanmaq mənasını verir. Bu söz İslamın beş əsas prinsipindən biri olan orucun tutulduğu aya xüsusi ad olaraq verilmişdir. Bu ayda Allah rizası üçün oruc tutmaqla aclıq və susuzluq aradan qalxır və bununla da günahlar orucun hərarəti ilə mənəvi olaraq yandırılır.

Təbəri kimi bəzi Quran təfsirçiləri “Bəqərə” surəsinin 185-ci ayəsini təfsir edərkən, Mücahid ibn Cəbrdən nəql edir ki, deyib: "Ramazan Allahın adlarından biridir və Onun adının qoyulmasının temperaturun şiddəti ilə heç bir əlaqəsi yoxdur".

Bu sözün kökü və mənası haqqında müxtəlif fikirlər var:

a-Ramazan oruc tutanın şiddətli susuzluqdan isindiyi vaxt mənasını verən "rəməzəs-saim" sözündəndir.

b- Bəziləri inanır ki, Ramazan "irmaz" kəlməsindən alınıb və yanmaq deməkdir. Çünki bu ayda günahlar yaxşı əməllərlə yanar.

c- Bəziləri deyirlər ki, Ramazan "rəmza" sözündən alınıb, yəni isti daş deməkdir və axirət haqqında düşünməkdən qəlblər əriyir.

d-Ramazan sözü "rəməzət ən-nəsl" sözündən olub, qılıncın ucunu və ya oxun dəmirini iki sürüşkən daşın arasına qoyub onu nazikləşdirmək və itiləmək deməkdir. Ərəblərin döyüşmək üçün haram ayların daxil olmasından qabaq Şəvval ayında döyüşmək üçün silahlarını itələdikləri bu aya bu səbəbdən Ramazan deyilir.

Cahiliyyət dövründə Ramazan ayı Natık adlanır və ərəblər bu aya hörmət edirdilər. Səmud qövmü onu Dimmir adlandırdı və onların ili Ramazanla başladı.